DATGANIAD PREIFATRWYDD

Mae diogelu eich preifatrwydd yn bwysig i ni yn Tŷ Cerdd ac rydym yn ymrwymedig i roi gwybod ichi sut rydym yn defnyddio’ch gwybodaeth a’ch data personol. Bydd Tŷ Cerdd ond yn cysylltu â chi drwy’r dull(iau) cyfathrebu o’ch dewis chi i roi’r gwasanaethau a’r cynnyrch rydych wedi gofyn amdanynt.

Mae’r polisi hwn yn esbonio pryd a pham rydym yn casglu gwybodaeth bersonol, sut rydym yn defnyddio’r wybodaeth honno, yr amodau y gallwn ddatgelu’r wybodaeth i eraill a sut rydym yn ei chadw’n ddiogel.

Efallai y byddwn yn newid y polisi hwn o dro i dro, felly dylech edrych ar ein gwefan o dro i dro i sicrhau eich bod yn fodlon ag unrhyw newidiadau. Trwy ddefnyddio gwefan Tŷ Cerdd, rydych chi’n cytuno â thelerau’r polisi hwn.

Mae cyfeiriadau at “ni” neu “ein” yn y Polisi Preifatrwydd hwn yn cyfeirio at Tŷ Cerdd - Canolfan Cerddoriaeth Cymru, sy’n Sefydliad Corfforedig Elusennol (CIO) yng Nghymru a Lloegr, rhif elusen gofrestredig: 1152853. Dylid anfon unrhyw gwestiynau ynghylch y polisi hwn a’n harferion preifatrwydd trwy e-bost i enquiries@tycerdd.org neu drwy lythyr i: Tŷ Cerdd, Canolfan Mileniwm Cymru, Plas Bute, Caerdydd, CF10 5AL neu gallwch ffonio 029 2063 5649 i siarad â rhywun yn uniongyrchol.

​

1. Sut rydym yn casglu gwybodaeth amdanoch
Byddwn yn casglu gwybodaeth bersonol amdanoch wrth i chi ymwneud â Tŷ Cerdd. Mae sawl achlysur pan allai hyn ddigwydd, er enghraifft trwy ein gwefan neu ar y ffôn: os ydych yn holi am ein gweithgareddau a’n gwasanaethau, yn cofrestru gyda ni fel aelod, yn prynu cynnyrch o’n siop ar-lein (rhagor o wybodaeth am hyn isod), yn holi am gyfleoedd ariannu, yn ymgeisio am swydd neu os ydych yn cofrestru i dderbyn ein cylchlythyrau.

2. Pa wybodaeth rydym yn ei chasglu amdanoch?

• Gall y wybodaeth bersonol a gasglwn gynnwys eich enw, eich teitl, eich cyfeiriad e-bost, eich cyfeiriad post, eich rhifau ffôn, eich rôl mewn sefydliad ac yn ogystal, os defnyddiwch ein gwefan, eich cyfeiriad IP a gwybodaeth ynghylch pa dudalennau aeth â’ch sylw – a phryd. Rydym yn cael y wybodaeth hon yn ddienw trwy Google Analytics ac fe’i cofnodir pob chwe mis.

• Ar gyfer aelodau sy’n sefydliadau, efallai y byddwn hefyd yn gofyn am wybodaeth ychwanegol nad yw’n bersonol, megis nifer yr aelodau fesul grŵp, demograffeg oedran yn y gymdeithas ac unrhyw gyfrifon y cyfryngau cymdeithasol a allai roi modd i Tŷ Cerdd ddilyn eich newyddion a’ch gweithgareddau.

• Os ydych yn prynu cynnyrch trwy www.tycerddshop.com, ni chedwir gwybodaeth am eich cerdyn talu gennym ni, yn hytrach fe’i cesglir gan ein proseswyr talu trydydd parti, sef Tictail, sy’n arbenigo mewn cipio a phrosesu trafodion cerdyn credyd/debyd ar-lein yn ddiogel. Gellir dod o hyd i’w telerau a’u hamodau preifatrwydd yma: https://tictail.com/privacy-policy

3. Ein defnydd o’r wybodaeth hon a phwy sy’n ei gweld
Defnyddir y wybodaeth bersonol a gasglwn fel a ganlyn:

• rhoi’r cyngor a’r cymorth pwysig yr ydych wedi gofyn i ni amdanynt, megis buddion aelodau, gwasanaethau, cyhoeddiadau, cylchlythyrau a gwasanaethau eraill y credwn y byddai o ddiddordeb i chi.

• darparu neu weinyddu gweithgareddau sy’n ymwneud â’n holl wasanaethau: anfon negeseuon gweinyddol pwysig sydd â’r wybodaeth ddiweddaraf; ein helpu i’ch adnabod pan fyddwch yn cysylltu â ni; a’n helpu i gadw ein cofnodion yn gywir.

• rhoi gwybodaeth i chi am ein cynlluniau yn y dyfodol. Efallai y bydd hyn yn cynnwys eich hysbysu am wasanaethau newydd neu well sydd, gobeithiwn, o ddiddordeb i chi ac yn ddefnyddiol i chi, a gall gynnwys y diweddaraf ynghylch codi arian; wrth gwrs, byddwn ond yn gwneud hyn gyda’ch caniatâd chi neu pan gredwn y byddwch yn disgwyl inni gysylltu â chi a’ch hysbysu. Wrth gwrs gallwch ofyn i ni ar unrhyw adeg i newid sut rydym yn cysylltu â chi drwy yrru nodyn i enquiries@tycerdd.org

• darparu dadansoddiadau er mwyn inni fedru deall ein cefnogwyr yn well, eu dewisiadau a’u hanghenion, a thueddiadau pwysig. Gallai hyn olygu edrych ar eich holl ryngweithio gyda ni er mwyn i ni geisio cynnig y wybodaeth neu’r cynigion iawn i chi ar yr adeg iawn.

• gwella’ch profiad gyda ni. Mae’n bosibl y byddwn yn defnyddio’ch gwybodaeth i wella’r gwasanaeth a ddarparwn, i wella ein gwybodaeth a’n cyfathrebu neu i bersonoli’r wefan i ddiwallu eich anghenion yn well.

Mae’n bosibl y bydd adegau pan fydd yn rhaid i ni ddatgelu’ch gwybodaeth yn ddienw os bydd angen gwneud hynny yn ôl y gyfraith, er enghraifft: er mwyn cydymffurfio â rheoliadau rheolau fel y nodir gan ein cyllidwyr craidd, Cyngor Celfyddydau Cymru.  Caiff eich gwybodaeth bersonol ei storio mewn cronfa ddata ddiogel am gyfnod nad yw’n hirach nag sy’n angenrheidiol at ddibenion ei defnyddio. Mae’r holl ddogfennau sydd â data sensitif ynddynt yn cael eu diogelu gan gyfrinair, a chaniatâd ond wedi’i roi i rai aelodau o staff. Rydym yn dileu data yn achlysurol pan fo’r cyfnod cadw wedi dod i ben ac/neu pan nad oes angen pellach i barhau i gadw data o’r fath.

​

4. Diogelwch

Rydym yn cymryd diogelwch eich gwybodaeth bersonol yn hynod o ddifrifol. Rydym wedi gweithredu mesurau corfforol, technegol a threfniadol priodol i ddiogelu’r wybodaeth bersonol sydd gennym o dan ein rheolaeth, a hynny ar-lein ac oddi ar-lein, rhag mynediad amhriodol ati, rhag ei chamddefnyddio, ei newid, ei dinistrio a’i cholli. Ac rydym ond yn ei chadw am ba hyd bynnag ag sy’n rhesymol ac yn angenrheidiol.

​

Dyma rai o’r ffyrdd rydym yn diogelu eich gwybodaeth bersonol:

• Cedwir eich gwybodaeth yn ddiogel yn y swyddfa ac ar ein cronfeydd data dan glo, neu, lle bo’n berthnasol, yn ddienw gan ein cyllidwyr.

• Gall ein gwefan gynnwys dolenni i wefannau eraill. Er ein bod yn ceisio ond cynnig dolenni i safleoedd sy’n rhannu ein safonau uchel a’n parch at breifatrwydd, nid ydym yn gyfrifol am gynnwys nac arferion preifatrwydd safleoedd eraill. Cofiwch y gall dolenni partneriaid ar ein gwefan gasglu gwybodaeth bersonol amdanoch y gellir eich adnabod drwyddi. Nid yw’r datganiad preifatrwydd hwn yn cwmpasu arferion gwybodaeth y gwefannau hynny neu hysbysebwyr.

• Mae’n bosibl y byddwn yn cyfathrebu â chi drwy e-bost mewn cysylltiad â’r gwasanaethau a ddarparwn. Er ein bod yn gwneud ein gorau i warchod ein systemau a’n cyfathrebiadau rhag firysau ac effeithiau niweidiol eraill, ni allwn fod yn gyfrifol fod ein holl gyfathrebiadau yn rhydd o firysau.

• Nid yw trosglwyddo gwybodaeth dros y rhyngrwyd byth yn gwbl ddiogel. Byddwn yn gwneud ein gorau i amddiffyn eich data personol, ond ni allwn roi sicrwydd o ddiogelwch eich data a drosglwyddir i’n gwefan; gwneir unrhyw drosglwyddiad ar eich cyfrifoldeb eich hun.

5. Cwcis

‘Cwci’ yw’r enw ar ffeil fechan, sydd fel arfer yn cynnwys llythrennau a rhifau, a gaiff ei lawrlwytho ar eich dyfais (pethau megis cyfrifiadur, ffôn symudol neu lechen) pan fyddwch yn ymweld â gwefan.

​

Maent yn gadael i wefannau adnabod eich dyfais er mwyn iddynt weithio’n well a hefyd i gasglu gwybodaeth ynghylch sut rydych chi’n defnyddio’r wefan. Ni ellir defnyddio cwci ar ei ben ei hun i ddarganfod pwy ydych chi.

​

Felly sut rydym ni’n defnyddio cwcis?

Rydym yn defnyddio cwcis i’ch gwahaniaethu chi o ddefnyddwyr eraill ein gwefan. Mae hyn yn ein helpu i roi profiad da i chi pan ddewch i’n gwefan ac mae hefyd yn ein galluogi ni i gael gwybodaeth a gwella ein gwefan.

​

Pa fath o gwcis a ddefnyddir gennym?

Rydym yn defnyddio’r categorïau a nodir gan y Siambr Fasnach Ryngwladol yn eu Canllaw i Gwcis yn y Deyrnas Unedig.

​

Rydym yn defnyddio tri chategori o gwcis:

• Mae cwcis cwbl angenrheidiol yn hanfodol i chi symud o gwmpas ein gwefan a defnyddio ei nodweddion, megis ein basged siopa a’ch cyfrif personol.

• Mae cwcis perfformiad yn casglu gwybodaeth anhysbys ynghylch sut rydych chi’n defnyddio ein gwefan, megis pa dudalennau yr ymwelir â hwy amlaf. Ni chedwir unrhyw wybodaeth sy’n eich adnabod chi.

• Mae cwcis swyddogaethol yn cofio’r dewisiadau a wnewch er mwyn gwella’ch profiad, megis maint y testun ar y sgrin neu’ch lleoliad. Efallai y byddant hefyd yn cael eu defnyddio i ddarparu gwasanaethau yr ydych wedi gofyn amdanynt, megis gwylio fideo neu roi sylwadau ar flog. Maent yn ddienw.

Gallwch ddewis gwrthod ein holl gwcis (oni bai am y rhai sy’n gwbl angenrheidiol). Mae rhagor o wybodaeth ynghylch sut i reoli a dileu’r cwcis yn eich porwr ar gael. Ond, os dewiswch wrthod pob cwci, yna efallai ni fyddwch yn gallu defnyddio ein gwefan yn iawn.

​

6. Chi a’ch dewisiadau (diweddaru a mynediad at wybodaeth)

Hoffem roi’r wybodaeth a’r newyddion diweddaraf i’n holl gefnogwyr gwerthfawr. Felly, er mwyn eich hysbysu ynghylch yr hyn rydym yn ei wneud, a gofyn i chi a fyddech chi’n gallu ein cefnogi, pan fo modd, hoffem gadw mewn cysylltiad â chi drwy’r dull cyfathrebu sydd orau gennych chi (boed drwy’r post, ffôn, e-bost, negeseuon testun a dulliau electronig eraill) i roi gwybod i chi am ein cynnydd a sut y gallwch barhau i’n helpu ni yn ein cenhadaeth.

Mae parch wrth galon gwaith ein tîm ymroddedig: rydym yn trin unrhyw wybodaeth rydych chi’n ei rhannu gyda ni o ddifrif a gallwch newid eich meddwl a dileu neu ychwanegu eich caniatâd ar unrhyw adeg, neu ddiweddaru’ch gwybodaeth trwy gysylltu â ni ar enquiries@tycerdd.org.

Nid yw dolenni sydd yn ein safle i wefannau eraill yn dod o dan y polisi preifatrwydd hwn.